تربت: 11 مئی ءَ چہ تربت ءِ میتگ جوسک ءَ پاکستانی لشکر ءِ دست ءَ زور بیگوہ کنگ بوتگیں ورنا آدم ءسومار ءِ مات ءَ گوں آئی برات ءُ کھول ءِ آدگہ مردمانی ھمراھی ءَ تربت پریس کلب ءَ پریس کانپریس کرتگ ءُ گوشتگ کہ دو ھپتگ نزیک اِنت بلے آئی باروا ماراھچ وڑیں سرپدی نیست کہ کے چی ءَ آوار جتگ۔
آئی ءَ گوشتگ کہ چہ بازار ءَ یک مردمے روچ ء رھما ن ءَ آوار جنگ ءُ بیگواہ کنگ بوتگ ءُ آئی باروا اے وڑیں بے تواری سکا رنجی گپے۔ نو روچ بیت اے روچ چو مھشر ءَ مئے سر ءَگوزگ ءَ اَنت ایشانی باروا کس گمان کرت نہ کنت۔
ھمے میان ءَ زوربیگواھیں آدم ء سومار ءِ سیاد سیاسی باسک منزور رئیس ءَ گوشتگ کہ کیچ ءَ لھتیں ھپتگ بیت زوریں بیگواھی ءِ یک درچے بندات بوتگ اے نوں تیز بوگ ءَ اِنت۔
آئی گوشتگ کہ آدم سومار ءِ وڑیں ورناتچکی ءَ آوار جنگ بوگ ءَ اَنت اے یک جستے ودی کنت۔کیچ دمگ ءِ واکدار ءِ مردمی ھکانی لگتمالی ءِ وڑیں ٹوھیں جیڑھے ءَ وت ءَ دور دارگ سکا بژنی گپے۔
