واشک: پاکستانی پوج ءِ دست ءَ زور بیگواھیں کنگ بوتگیں مردمے ءِ تیر سپتگیں لاش دزکپتگ۔
بنشون ءِ رد ءَ کشگ بیتگیں مردم ءِ نام مھمد آزم ء ابدرھمان اِنت کہ بیسمگ، پتک کادر آباد ءِ جاہ منند اِنت ءُ یک دکاندارے۔ پاکستانی پوج ءَ 11 ستمبر 2025 ءَ چہ دکان ءَ آوار جتگ ءُ بیگواہ کرتگ۔
بیست ءُ پنچ روچ ءِ بیگواھی ءَ پد 6 اکتوبر ءَ آئی تیر سپتگیں لاش چہ ناگ گورگی ءَ دزکپتگ۔
چوش کہ بلوچستان ءَ پاکستانی پوج ءِ نیمگ ءَ زوریں بیگواھی ءُ لاشانی چگل دیگ گوں ترندیں ءَ برجاہ اِنت۔ چہ بلوچستان ءُ بلوچستان ءَ ڈن بلوچ آوار جنگ ءُ بیگواہ کنگ بوگ ءَ اَنت ءُ چہ جتا جتائیں ھند ءُ دمگاں پوج ءِ دست ءَ بیگواھیں مردمانی لاش دزکپتگ اَنت۔
