بلوچ راجی زرمبشت ( بی این ایم ) ءِ بنجاھی سرکماش ڈاکٹر نسیم ماں چاگردی رسانکدر ایکس ءَ نبشتگ کہ دودا ناسر ء ناسر ءَ پاکستانی چیریں ادارھانی کارمنداں آوار جتگ ءُ زور بیگواہ کرتگ۔ آئی پت ناسر داں اسلام آباد ءَ روانک ءَ بھر زرتگ ءُ پہ انساپ ءِ لوٹ ءَ نندانک ءَ نشتگ۔ گڑا دواد گڈی ءَ یل کنگ بوتگ۔
بی این ایم ءِ سرکماش ءَ گوشتگ کہ بلے چہ بازیں جانی ءُ سسائی آزارانی اوپار کنگ ءَ پد زی ریاستی پلہ مرزی کشندہ ٹولی ءِ کارمنداں یک ارشے ءَ نشانگ کرتگ۔ چہ تیرانی ٹپاں پہ ازابی یے زندگی رک اِتگ۔
ڈاکٹر نسیم ءَ گوشتگ کہ چہ ایشی ھمے پدر بیت کہ پاکستان ءِ نیمگ ءَ چہ مردمانی زور ءِ پارست ءَ پمیشکا یل کنگ بوتگ کہ رند ءَ دوبر نشانگ کنگ بہ بیت۔ اے وڑیں کاروائی بلوچستان ءَ زوراکیانی دراجکشیں درچ ءِ بھر اَنت۔
