بلوچ راجی زرمبشت ( بی این ایم ) ءِ بنجاھی سرکماش ڈاکٹر نسیم ءَ ماں چاگردی رسانکدر ایکس ءَ زور بیگواھیں جھانزیب ءِ کھول ءِ نیمگ ءَ شال ءَ کشگ بوتگیں روانک ءَ آئی جنک ءِ تامربند ءِ سر ءَ نبشتگ کہ جھانزیب ءِ کسانیں جنک گوں ارسیگیں چماں وتی پت ءِ یل کنگ ءِ لوٹ ءَ کنگ ءَ اِنت کہ آئی ءَ ھشت سال پیش پاکستانی لشکر ءَ آوار جتگ ءُ بیگواہ کرتگ۔
بی این ایم ءِ سرکماش ءَ گوشتگ کہ آئی اے دلپدریں لوٹ بلوچستان ءَ بیگواہ کنگ بوتگیں مردمانی کھولانی گون ءَ بوتگیں رنجاں پدر کنت کہ آ پہ وتی آزیزاں انساپ ءُ پسو ءِ لوٹ ءَ کنگ ءَ اَنت۔
