کراچی: سند پولیس ءَ بلوچ یکجھتی کمیٹی ءِ نیمگ ءَ روانک ءِ بگیری ءَ زھرشانی کنوکاں ھوار سیزدہ مردمانی نام ءَ ایپ آئی آر ءَ نبشتگ کرتگ۔
سند پولیس ءَوتی ایپ آئی آر ءَ نبشتگ کہ بلوچ یکجھتی کمیٹی ءِ کارکن ءُ آیانی پلہ مرزیں 300 ءَ داں 350 مردماں زھرشانی روانکے کش اتگ ءُ ریاست ءِ بگیری ءَ اوگام جتگ۔
پولیس ءَ زھرشانی کنوکیں مردما نی سر ءَ جتائیں شھدگانی بندی، سرکاری جاھانی تاوان دیگ ءُ گوں سرکار ءَگھگیری کنگ ءِ بھتام جتگ۔
یات بہ بہ اِت کہ زی بلوچ یکجھتی کمیٹی ءِ نیمگ ءَ بلوچستان ءَ بلوچ راجی مچی ءِ زھرشانی کنوک ءُ کاروانانی سر ءَ ارش ، لٹ شاپ ءُ دزگیریانی بگیری ءَ چہ آرٹس کونسل ءَ روانکے کشگ ءِ جھد کرتگ سند پولیس ءَ زھرشانی ءِ سر ءَ بیڑ برتگ ءُ بازیں مردم آوار جتگ کہ آیانی تہ ءَ جنین ھم ھوار بوتگ اَنت۔
