چہ زرمبش شنگکاری ءِ نیمگ ءَ شنگ بیتگیں جارے ءَ گوشگ بیتگ کہ بی این ایم ءِ بنجاھی کستریں کمک سرکماش ءُ بلوچی زبان ءِ نامداریں شائر ءُ نبشتہ کار بابل لتیپ ءِ نبشتگیں کتاب ”مھلبیں دْروت“ زوت چہ زرمبش شنگکاری ءِ نیمگ ءَ شنگ بوگ ءَ اِنت۔
آئیءَ گوشتگ کہ بابل لتیپ ءَ وتی اے کتاب ءِ تہ ءَ جتائیں وھد ءَ پہ بلوچ سرڈگار ءِ آجوئی ءَ ندر بوتگیں شھیدانی سر ءَ نبشتگیں نکان ھوار کرتگ اَنت۔
چوش کہ بابل لتیپ بلوچی زبان ءِ نامداریں نبشتہ کارے کہ آئی ءِ بازیں شئیر ءُ نبشتانک چہ جتائیں تندجاھاں شنگ بوگ ءَ ابید آئی ءِ یک کتابے” اھد ء وپا” ءِ نام ءَ شنگ بیتگ اَت کہ آ کتاب بی ایل ایپ ءِ سرمچار شھید میجر آسمی وپا ءِ بابت ءَ نبشتہ بیتگ اَت۔
اے مھلبیں دروت بابل لتیپ ءِ دومی کتاب اِنت کہ شنگ بوگ ءَ اِنت۔
بابل لتیپ ءَ گوں زرمبش ءَ گوشتگ کہ آئی ءِ کتاب ءِ یک نبشتانکے ھم پیسر ءَ دگہ چہ رسانکدرے ءَ شنگ نہ بیتگ۔اے کتاب ءَ کل دوازدہ شھیدانی بابت ءَ نکان ھوار اَنت کہ آ پاری ءُ امبراں جتائیں وھد ءَ پہ ماتیں سرڈگار ءِ آجوئی ءَ گوں دژمن ءَ دیم پہ دیمی میڑ ءَ شھید بیتگ اَنت۔
