کراچی: پولیس ءَ یکبرے پد ءَ لیاری ءَ بلوچ یکجھتی کمیٹی ءِ زھرشانی ءِ سر ءَ بیڑ برتگ ءُسمی دین، پوزیہ ءُ آمنہ ءَ ھوار باز مردم دزگیر کرتگ ءُ گوں وت برتگ۔
بنشون ءِ رد ءَ پولیس ءَ بیڑ برگ ءِ میان ءَ جنینانی گشاں چک اتگ اَنت ءُ زاہ ءُ بد گوشتگ اَنت۔ انگت ءَ دزگیر کرتگیں مردمانی سرجمیں کچ زانگ بیگ ءَ نہ اِنت۔
چوش کہ چہ ایشی ءَپیش پولیس ءَ زھرشانی ءِ سر ءَ بیڑ برتگ اَت ءُ بی وائی سی ءِ بنجاھی کمک سرکماش لالا وھاب ءَ ھوار باز مردم دزگیر کرتگ اَت۔
