ھاران: پجار نہ بوتگیں سلاہ بندیں مردماں گرانھادیں سنگ بروکیں گاڑیانی سر ءَ اُرش کرتگ ءُ دو مردم ٹپی بوتگ۔
بنشون ءِ رد ءَ سلاہ بندیں مردماں سے شمبے ءِ بیگاہ ءَ ھاران ءِ ھند گواش ءَ سی پیک دگ ءَ لیویز پانگس ءِ نزیک ءَ گاڑیانی سر ءَ ھما وھد ءَ اُرش کرتگ کہ آ چہ چاگے ءَ کرومائیٹ ءَ بار بوتگ ءُ دیم پہ کراچی ءَ روگ ءَ بوتگ اَنت، اُرش ءِ آسر ءَ دو مردم ٹپی بوتگ۔
چہ ٹپی بوتگیں مردماں یکے نام مھمد انور اِنت۔ ارش ءِ آسر ءَ گاڑی ھم تاوان بوتگ اَنت۔
اے اُرش ءِ زمہ واری انگت ءَ ھچ گل ءَ نہ زرتگ۔
