بیگواھیں بلوچانی توار ( وی بی ایم پی ) ءِ کارگشاد سمی دین ءَ ماں چاگردی رسانکدر ایکس ءَ زور بیگواھیں زھیر ءِ نو سال سرجم بوگ ءَ کمپین ءِ درگت ءَ نبشتہ کرتگ کہ پنجگور ءِ جاہ منند زھیر ءِ زوریں بیگواھی ءَ نو سال سرجم بوتگ، 13 اپریل 2016 ءَ زور بیگواہ کنگ بوتگیں زھیر کھول داں مرچی ءَ اے گپ ءَ سرپد نہ اِنت زھیر چی میارباری کرتگ ءُ آ چون ءُ کج ءَ اِنت۔
آئی ءَ گوشتگ کہ اے ڈیھ ءَ زوریں بیگواھیانی سر ءَ گپ کنوک ھم اوپار کنگ نہ بنت، مردمی ھکانی بنیادی جیڑہ ءِ سر ءَ گپ کنوکیں اھوالکار، وکیل ءُ کارکنانی بگیری ءَ کیس کنگ بیت۔ وھدے بنیادی جیڑہ ءِ گیش ءُ گیوار کنوکیں اے ڈیھ ءِ سیاسی سروک اپوزیشن ءَ ھمدرد بنت، وھدے کہ آیاں کرسی رس ایت گڑا آ بے ھال کن اَنت کہ آیاں یک وھدے ءَ زوریں بیگواھی مردمی ھکانی گنتریں بگیری لیک اِتگ۔