ھاران/ مشکے: زورگریں پاکستانی لشکر ءِ دست ءَ
زور بیگواہ کنگ بوتگیں دو ورنا آجو بوتگ۔
اھوالکار ءِ رد ءَ چہ ھاران ءَ آجو بوتگیں ورنا ءِ نام میران ء گل ھان شکاری اِنت کہ پاکستانی لشکر ءَ 6 پروری ءَ چہ گس ءَ آوار جتگ ءُ بیگواہ کرتگ۔ میران ماھے ءِ زوریں بیگواھی ءَ پد دوشی آجو بوتگ۔
بنشون ءِ رد ءَ چہ مشکے ءَ آجو بوتگیں ورنا ءِ نام ھاسل ء نوردین اِنت مشکے کھندڑی ءِ جھمنند اِنت۔ پاکستانی لشکر ءَ پاری 7 نومبر ءِ سھب ءَ چہ گس ءَ آوار جتگ ءُ بیگواہ کرتگ۔ ھاسل چار ماہ ءَ گیش ءِ زوریں بیگواھی ءَ پد زی آجو بوتگ۔
