نسیر آباد: دو جتائیں جاھاں تیرگواری ویلاں جنینے ءَ ھوار سے مردم بیران بوتگ۔
بنشون ءِ رد ءَ الی شیر گوٹ جھکرانی ءَ ننگ ءِ نام ءَ گلام ربانی نامیں مردمے ءَ تیرگواری کرتگ ءُ وتی لوگبانک ءُ آئی دوستدار کرم جھکرانی کشتگ اَنت۔ پولیس ءَ کشگ بوتگیں مردمانی لاش دزگپتگ اَنت ءُ ھژدری چار ءُ ٹپاس کنگ ءَ نادراھجاہ ءَ برگ ءَ پد کھول ءِ دست ءَ داتگ اَنت۔
ھمے وڑ ءَ اوستہ مھمد ءِ نزیک ءَ جمال پٹرول پمپ ءَ سلاہ بندیں مردماں تیرگواری کرتگ ءُآدم ھان نامیں ورنایے کشتگ۔ آئی لاش پہ ھژدری چار ءُ ٹپاس کنگ ءَ نادراھجاہ ءَ برگ بوتگ۔ ویل ءِ سوب کوھنیں دینداری یے زانگ بوگ ءَ اِنت۔
