پنجاپ ءِ شھر سرگودھا ءَ زورگریں پاکستانی لشکر ءَ بلوچ نودربرے آوار جتگ ءُ بیگواہ کرتگ۔
اھوالکار ءِ رد ءَ زور بیگواہ کنگ بوتگیں ورنا ھدا داد کیچ ءِ بنجاھی شھر تربت ءِ جھمنند اِنت کہ زورگریں پاکستانی لشکر ءَ آدینگ ءُ شمبے ءِ میانی شپ ءِ ھشت ءَ آوار جتگ ءُ بیگواہ کرتگ۔
زوربیگواھیں ھدا داد ءِ بارو ءَ گوشگ بیت کہ سرگودھا زانشتجاہ ءَ پیتھالوجی بھرگ ءِ نودربرے۔
یات بہ بہ اِت کہ چہ ایشی ءَ پیش ھم پنجاپ ءِ جتائیں شھراں بلوچ نودربر زور بیگواہ کنگ بوتگ اَنت۔
