چہ بیسیمگءُ شالءَ زی پاکستانی پوج ءَ پنچ ورنا آوار جنگ ءَ پد بیگواہ کرتگ اَنت۔
بنشون ءِ رد ءَ چہ بیسیمگ ءَ چار ورنا آوار جنگ بیتگ کہ چہ آیاں سے ورنا ءِ نام سادک، پرید ءُ آمر اِنت کہ یکے انگت ءَ پجارگ نہ بیتگ۔
چوش کہ زی بیسیمگ ءَ پاکستانی پوج ءِ نیمگ ءَ بند آرگ جنگ بیتگ ءُ پاکستانی پوج بازیں کچے ءَ آتکگ ءُ سرجمیں ھند ءِ راہ ءُ دگ بند کنگ بیتگ اَنت، پوج ءَ زی سجھیں روچ ءَ مردمان ءَ چہ گس ءَ ڈن درآھگ ءَ نہ اشتگءُ دکا ن ھم بند کنگ بیتگ اَنت۔
ھمے وڑ ءَ 17 اگستءَ پاکستانی پوج ءَ شال ءِ کلی نواں ءَ سلمان بلوچ ء ڈاکٹر ایسا نامیں ورنا یے آوار جتگ ءُ بیگواہ کرتگ۔ بیگواھیں سلمان بلوچ پنجگور ءِ جاہ منند اِنت۔
