بلوچ یکجھتی کمیٹی ءِ سروک ڈاکٹر ماہ رنگ ءَ ماں چاگردی رسانکدر ءَ ایکس ءَ بولان ءَ لشکرکشی ءِ پژدر ءَ نبشتگ کہ بولان ءُ کر ءُ کشاں گوستگیں نو روچ اِنت کہ برجاھیں لشکرکشی ءَ مردم سکا جنجالانی دیمپان اَنت۔ اود ءِ جھمننداں ھوار جنین ءُ زھگ ھم سکا جنجال اَنت۔
ڈاکٹر ماہ رنگ ءَ گوشتگ کہ ھندی ھالانی رد ءَ برجاھیں لشکر کشی ءِ سوب ءَ وردن ءُ درمان ھم رسگ ءَ نہ اِنت۔
آئی ءَ گوں مردمی ھکانی گل، تیوک ءَ جنین ءُ زھگانی ھکانی بارو ءَ دلگوش دیوکیں گلاں ءَ بولان ءَ ھندی مردمانی گون ءَبیوکیں جنجالانی زوتیں ھلاس کنگ ءُ دلگوش کنگ ءِ لوٹ کرتگ۔
