بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل ایپ مستونگ ءَ ریاست ءِ چاریگ ءُ ڈنڈار ءَ لشکر ءِ سر ءَ اُرش ءِ زمہ واری ءَ منّ ایت۔
آئی ءَ گوشتگ کہ ھپدہ پروری ءَ سرمچاراں کیچ ءِ میتگ ڈنڈار ءَ بند ء ملک ءَ پاکستانی لشکر ءِ سر ءَ سنگر گِپتگ ءُ اُرش کُرتگ۔
جارکش ءَ گوشتگ کہ زورگریں لشکر ءِ دو پرپٹاں سوار بیتگیں چار کارمند نشانگ کُرتگ۔اُرش ءَ دو کارمند مُرتگ ءُ دو ٹپی بیتگ۔
میجر گھرام ءَ گوشتگ کہ شانزہ پروری ءَ مستونگ ءَ ٹپال گِس ءِ نزیک ءَ ریاست ءِ چاریگ چئیرمین یونین کونسل کَڈ کوچگ سردار ابدُلکیوم شاھوانی ءِ سر ءَ سرمچاراں یک دستی بمبے چگل داتگ۔اے مردم زورگریں لشکر ءِ چاریگے بیتگ ءُ ھمے دمگاں بلوچ آجوئی ءِ بگیری ءَ پاکستانی لشکر ءِ ھمراہ اِنت۔چوشیں دُرسیں مردم مئے نشانگ ءَ اَنت کہ بلوچ چکچینی ءُ مردمگری ءِ بگیری ءَ پاکستان ءِ ھمراہ داری ءَ کنگ ءَ اَنت۔
