تربت: دوشمبے ءِ روچ ءَ زوریں بیگواھی ءِ بگیری ءَ تربت بازار ءَ تھتگ بند ھرتال کنگ بوتگ کہ سرجمیں دکان بند بوتگ اَنت۔ آل پارٹیز کیچ ءَ ھرتال ءِ پلہ مرزی کرتگ۔
اے زھرشانی ءِ جار چہ بی ایس او ءِ نیمگ ءَ آپسر ءَ پنچ زور بیگواھیں مردمانی کھول کہ زھرشانی ءَ ڈی بلوچ ءَ نشتگ اَنت ھما نندانک ءِ پلہ مرزی ءَ جنگ بوتگ۔
تربت ءِ ڈی بلوچ ءَ زھرشانی نندانک ءِ سوب ءَ گْوادر، کراچی، ھب ءُ پسنی آدگہ جاھاں روگ ءَ راہ بند اِنت۔
زور بیگواھیں مردمانی کھولانی گوشگ اِنت کہ چہ آزیزانی زوریں بیگواھی ءَ تیوگیں کھول سسائی نادراھیانی آماچ اِنت۔ بلے واکدارانی نیمگ ءَ پہ مئے مردمانی آجوئی ءَ ھچ وڑیں گامگیج زورگ نہ بوتگ۔
