بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں آپریشن درہ بولان ءِ پارست ءَ گوستگیں پانزہ اداراہ اِنت مچ شھر ءُ کِر ءُ کشانی ھند سرجم ءَ دستیگ کرتگ انت۔ اے میان ءَ بی ایل اے ءِ یونٹ اسپیشل ٹیکٹیکل آپریشنز اسکواڈ ( ایس ٹی او ایس ) ءَ روگ ءُ آھگ ءِ درسیں راہ بند کرتگ اَنت۔ تیوگیں راہ ءِ سر ءَ تراکناکیں شورہ چیر کنگ بوتگ۔ چہ ایشی ءَ دُژمنیں لشکر ءَ ھچ وڑیں کمک رسگ ءَ نہ اِنت۔ بی ایل اے ءِ دومی ایلیٹ یونٹ پتھ اسکواڈ ءَ پولیس اسٹیشن، ریلوے اسٹیشن ءَ ھوار شھر آدگہ جاھاں سنگر گپتگ ءُ دُژمن ءِ ترّ ءُ گرد بند کرتگ اَنت۔ ھمے وڑ ءَ دیمونی بھرگ مجید برگیڈ ءِ یک یونٹے ءَ دُژمن ءِ بنجل انگر کرتگ ءُ باز جاھاں بنجل ءِ تہ ءَ پترتگ اَنت ءُ سنگر اِش گپتگ۔ مجید برگیڈ ءِ پدائی وتی گُڈی تیر ءُ داں گُڈی دم ءَ دُژمن ءِ گون ءَ مڑگ ءَ اَنت۔
آئی ءَ گوشتگ کہ داں انوگیں ھالانی رد ءَ مچ ءِ شھر ءَ پینتالیس ءُ پیرگیب ءَ دہ دژمنیں کارمند کشگ بوتگ۔ مرتگیں گیشتریں ھال دیمتر ءَ کاینت۔ آپریشن درہ بولان ءَ داں انوں چار نہ ترسیں بلوچ سرمچار شھید بوتگ۔ اے چاریں شھید مجید برگیڈ ءِ پدائی بوتگ اَنت۔ شھیدانی ھالاں رند ءَ شنگ کن ایں۔
جارکش ءَ گوشتگ کہ ما وتی بلوچ راج ءَ ھمے کلوہ ءَ دیگ لوٹ ایں کہ اے اُرش ءِ مول تیوگیں بلوچ راج ءَ لگوریں دژمن ءِ بستار ءِ پیش دارگ اِنت کہ اے لگوریں لشکر وتی زوراں کارمرز کنت ءُ کودکیں مردماں آوار جنت ءُ آزارانی نشانگ کنگ سرمچار لیکگ ءُ دروگیں میڑاں شھید کنگ اِنت۔ وھدیکہ ھکی ئیں سرمچار آیانی دیم ءَ کاینت گڑا اے ترس اَنت ءُ وت ءَ چیر دے اَنت۔ پمیشکا ھمک روچ چہ زورگریں دُژمن ءِ زوراکیانی آماچ بوگ ءَ ابید ما توپک ءَ چست بہ کن این ءُ سرمچارانی لڑ ءَ ھوار بہ بہ ایں ما اے لگوریں دُژمن ءَ سالانی تہ ءَ نہ بلکیں ماھانی تہ ءَ چہ وتی پت ءُ پیروکی سرڈگار بلوچستان ءَ پہ تاچینگ ءَ لاچار بہ کن ایں۔
آئی ءَ گوشتگ کہ ما دُژمنیں پاکستانی لشکر ءَ اے گپ ءَ چیلنج ءَ گوش ایں کہ کودکانی کشندہ لشکر، بلوچ سرمچار اے وھد ءَ تچک ءَ روچ ء رھمان ءَ مچ ءِ شھر ءَ ترّ ءُ گرد کنگ ءَ اَنت۔ باپشت ءَ پندل سازی ءَ ابید بیا دیم پہ دیمی بہ کن ءُ پہ راستی پدر کنگ ءَ وتی رسانکدر ءَ ھم بیار دانکہ سرپد بہ بہ ایں کہ آئی ایس پی آر ءِ اوگام ءُ پاکستان ءِ پٹ ءُ پولی کتاب ءَ ڈن تئی دلیری ءِ بستار چے اِنت۔
