بلوچ وومن پورم ءَ ھدیجہ بلوچ ء پیرجان ءِ زوریں بیگواھی ایر جتگ ءُ گوشتگ کہ ھدیجہ پیرجان کیچ ءِ ھند ھیرونک ءِ جاہ منند اِنت ءُ شال ءَ وانگ ءَ اِنت۔
آئی ءَ گوشتگ کہ ھدیجہ پیرجان ءَ دوشی یک ءَ چہ بولان میڈیکل کالج ءِ نرسنگ ھاسٹل ءَ پاکستانی پوج ءَ آوار جتگ۔ بلوچستان ءَ زالبولانی زوریں بیگواھی یکشل ءَ گیش بوگ ءَ اِنت سکا بژنیگ ءُ ناگیگیں جاورے پیش دارگ ءَ اِنت۔ اے پہ انسانی ھکانی بابت ءَ گیش ترس ودی کنت۔
بلوچ وومن پورم ءَ گوں ریاستی ادارھاں لوٹ کرتگ کہ ھدیجہ پیرجان ءِ بابت ءَ زوت سرپدی دیگ بہ بیت ءُ پہ آئی آجوئی ءَ دلجمی دیگ بہ بیت۔
آئی ءَ گوشتگ کہ بلوچ وومن پورم بی ایم سی ءِ دیم ءَ برجاھیں زھرشانی ءِ پلہ مرزی ءَ کنت ءُ گوں مھلوک ءَ لوٹ کنت کہ آ اے پر ایمنیں زھرشانی ءَ بھر بزور اَنت ءُ گوں نودربراں یکجھتی بہ کن اَنت، چی ءَ کہ بے تواری ناھکیاں گیش کنت۔ پمشکا پہ ھدیجہ ءَ توار چست کنگ مئے درسانی زمہ واری اِنت۔
بنشون: درشان اکس: رسانکدر
