بلوچ یکجھتی کمیٹیءِ سروک ڈاکٹر ماہ رنگ پہ مردمی ھکانی باروا بیوکیں کانپریس ءِ بھر زورگ ءَ ناروے ءَ شتگ۔
اے باروا ڈاکٹر ماہ رنگ ءَماں چاگردی رسانکدر ایکس ءَ نبشتگ کہ مردمی ھک ءُ ایکٹوزم ءِ شھر اوسلو، ناروے ءَ سربوتگ آں۔
آئی ءَ گوشتگ کہ یک انچیں ڈیھے ءَ سر بوتگ آں کہ آ وتی دیریگیں راجمستری دودمان ءُ ایمنیں نوبل انام ءَ نام ءَ اِنت۔ من 44ڈیھانی ھکانی کارکنانی یکجاہ ءَ بیوکیں یک مزنیں کانپریسے ءِ بھر زورگ ءَ پہ لھتیں روچاں آتکگ آں۔
ڈاکٹر ماہ رنگ ءَ گوشتگ کہ من بلوچستان ءَ زوریں بیگواھی، مردمی ھکانی لگتمالی ءُ درکانودی کوشانی باروا تران کن آں۔
