بلوچ لبریشن آرمی ( بی ایل اے ) ءِ جارکش جیئند بلوچ ءَ وتی درشان ءَ گوشتگ کہ ھیروپ آپریشن ءِ دومی بھر ءِ میان ءَ بی ایل اے ءِ سرمچاراں پاکستانی پوج ءِ ھبدہ کارمند چہ جتائیں جاھاں دزگیر کرتگ۔ بنداتی جست ءُ پرس ءَ پد چہ آیاں دہ کارمند بلوچ ءُ ھندی پولیس ءُ لیویز بوگ ءِ بنیاد ءَ کڈن کنگ ءَ پد یل داتگ اَنت۔ اے پیسلہ چہ زمینی راستی، ھندی پجار ءُ بلوچ مھلوک ءِ نپ چارتگ اَنت ءُ زرتگ۔
آئی ءَ گوشتگ کہ آدگہ ھپت کارمند گوں پاکستانی پوج ءَ بندوکیں اَنت، بی ایل اے ءِ بندیگ اَنت۔ آیانی بگیری ءَ بلوچ راجی آمیدگس ءَ کیس کرتگ۔ اے آمیدگسی کاروائی ءِ میان ءَ آیانی سر ءَ جنگی میارباری، شھریانی بگیری ءَ کاروائی زوریں بیگواھیانی کمک، بلوچ چکچینی ءِ ھوار بوگ ءِ بھتام ھست۔ آمیدگسی کاروائی ءِ میان ءَ میارباراں وتی بے میار پیش کنگ ءِ موہ ھم دیگ بوتگ، منانک ھم پیش کنگ بوتگ اَنت ءُ میارباری ءِ گپ یاداشت کنگ بوتگ اَنت۔ درسیں کاروائیانی سرجم کنگ ءَ پد آمیدگس ءَ آیان ءَ میاربار لیک اِتگ۔
جارکش ءَ گوشتگ کہ پد ءَ بی ایل اے ءِ کمانڈ کونسل ءَ ھمے پیسلہ کرتگ کہ میان استمانی جنگی راھبند ءُ جنگی بندیگانی مٹ کنگ ءِ بابت ءَ پاکستان ءَ ھپت روچ ءِ وھد دے ایں۔ اگاں اے وھدانی میان ءَ زورگریں ریاست پہ جنگی بندیگانی مٹ کنگ ءَ رازیگ بوت گڑا اے ھپتیں پوجی کارمنداں بلوچ جنگی بندیگانی یل کنگ ءِ جاہ ءَ یل کنگ بنت۔
آئی ءَ گوشتگ کہ چہ بی ایل اے ءِ نیمگ ءَ ایشی ءَ پیش ھم جتائیں وھداں زورگریں پوج ءَ موہ دیگ بوتگ کہ جنگی بندیگاں مٹ بہ کنت، بلے پاکستانی پوج ءَ سنگین بوگ ءَ ابید وتی کارمندانی جان ءِ پرواہ نہ داشتگ ءُ گامگیج نہ زرتگ۔
جارکش ءَ گوشتگ کہ انوگیں جار ءِ رد ءَ یکبرے پد ءَ تچک کن ایں کہ دزگیریں ھپت پوجی کارمندانی یل کنگ بلوچ بندیگانی یل کنگ ءِ جاہ ءَ اِنت۔ اگاں یک ھپتگے ءِ میان ءَ زورگریں پاکستان ءِ نیمگ ءَ دلجمیں گامگیج زورگ نہ بوت، گڑا بلوچ آمیدگس ءِ پیسلہ ءِ رد ءَ مرگ ءِ سزا دیگ بنت۔
جیئند بلوچ ءَ گوشتگ کہ بی ایل اے ھمے گپ ءَ سدک اِنت کہ جنگی جاورانی تہ ءَ ھم راھبندانی پابند بوگ اِنت۔ نوں اے پیسلہ زورگریں پاکستان ریاست ءِ دست ءَ اِنت کہ پہ وتی کارمندانی جان ءِ پھریزگ ءَ گامگیج زور ایت یا چو مدامی وڑ ءَ بے توار بیت ءُ وتی باڑھی سپاھیانی مِرگ ءَ لوٹ ایت۔
بنشون: درشان. اکس:زرمبش
