شال: وائس پار بلوچ مسنگ پرسنز ءِ زھرشانی گدان ءَ 6125 روچ سرجم بوتگ کہ شال پریس کلب ءِ دیم ءَ برجاہ بوتگ۔ اے درگت ءَ چہ جتائیں بھرگاں سیادی داروکیں مردم گدان ءَ آتکگ اَنت ءُ گوں زوربیگواھیں مردمانی کھولاں ھمدردی درشان کرتگ۔
وی بی ایم پی ءِ چیرمین نسراللہ بلوچ ءَ تران کرتگ ءُ گوشتگ زوریں بیگواھی یک ٹوھیں انسانی جیڑھے چہ ایشی ءَ ھزاراں کھول جنجال ءُ بے اوست اِنت۔ اے ریاستی ادارھانی زمہ واری اِنت کہ آ بیگواھیں مردماں دیم ءَ بیار اَنت۔ اگاں آیانی سر ءَ چونیں ھم بھتام ھست گڑا آمیدگس ءَ پیش کنگ بہ بنت۔
آئی گوشتگ کہ پرایمنیں جھد مئے راھبندی ءُ جمھوری ھک اِنت۔ ما داں وتی آزیزانی آجوئی ءَ جھد ءَ برجاہ داریں۔
وی بی ایم پی ءَ گوں سرکار ءُ ادارھاں لوٹ کرتگ کی زوربیگواھیانی جیڑہ ھلاس کنگ بہ بیت ءُ بیگواھیں مردم آجو کنگ ءُ آیانی کھول چہ جنجالاں رکینگ بہ بنت۔
بنشون: درشان اکس: وی بی ایم پی
