شال ءَ پہ زور بیگواھیں مردمانی آجوئی ءَ وائس پار بلوچ مسنگ پرسن ( وی بی ایم پی ) ءِ زھرشانی گدان ءَ 6063 روچ سرجم بوتگ کہ شال پریس کلب ءِ دیم ءَ برجاہ اِنت۔
پنچ شمبے ءِ روچ ءَ جتائیں بھرگاں سیادی داروکیں مردم پہ ھمدردی درشان کنگ ءَ گدان ءَ اتکگ اَنت ءُ زوریں بیگواھیانی بگیری ءَ وتی زھرشانی یاداشت کرتگ ءُ گوں زور بیگواھیں مردمانی کھولاں ھمدردی درشان کرتگ۔
آیاں گوں سرکار ءَ لوٹ کرتگ کہ زوریں بیگواھی بند کنگ بہ بنت ءُ پہ زور بیگواھیں مردمانی آجوئی ءَ گامگیج زورگ بہ بیت۔
وی بی ایم پی ءِ چیئرمین نسر اللہ بلوچ ءَ گوشتگ کہ ما ڈیھ ءِ ادارہ ءُ درکانودی گامگیجانی بگیری ءَ پر ایمن ءُ ڈیھ ءِ کانود ءِ رد ءَ جھد کنگ ءَ ایں، مئے اے پر ایمنیں جھدے داں زور بیگواھی ءِ ھلاسی ءُ زور بیگواھیں مردمانی آجوئی ءَ برجاہ بیت۔
