شال: بیگواھیں بلوچانی توار ( وی بی ایم پی ) ءِ سرکماش نسر اللہ ءَ گوشتگ کہ بلوچستان ءَ پہ زوریں بیگواھی ءِ بگیری ءَ وی بی ایم پی ءِ نیمگ ءَ برجاھیں جھان ءِ مستریں پرایمنیں زھرشانی گدان ءَ شال پریس کلب ءِ دیم ءَ 5313 روچ سرجم بوتگ ءُ انگت ءَ برجاہ اِنت۔
آئی ءَ گوشتگ کہ مئے لوٹ ھمیش اِنت درسیں زور بیگواھیں مردم آجو کنگ بہ بنت، کسے ءِ سر ءَ چونیں بھتامے ھست گڑا آمیدگس ءَ پیش کنگ بہ بیت ءُ زوریں بیگواھی ءِ جیڑہ ڈیھ ءِ کانود ءِ رد ءَ گیش ءُ گیوار کنگ بہ بیت۔
