گْوادر ءِ ھند جیونی ءَ پاکستانی پوج ءَ دو براتاں ھوار سے مردم آوار جنگ ءَ پد بیگواہ کرتگ۔
اھوالکار ءِ رد ءَ بیگواھیں مردمانی نام آسپ بلوچ ءُ پیری بلوچ ء ایسا ءُ شاہ بکش بلوچ ء امر اِنت کہ جیونی ءِ میتگ روبار ءِ جاہ منند اَنت۔
آسپ ءُ پیری 6 جنوری ءُ شاہ بکش7 جنوری ءَ آوار جنگ ءُ بیگواہ کنگ بوتگ۔
ھندی بنشون ءِ رد ءَ پاکستانی پوج ءَ ھمے سال ءِ بندات ءَ لشکرکشی ءُ زوراکی بندات کرتگ داں انوں یکشل ءَ برجاہ اِنت۔ پوج ھمک شپ گساں بیڑ برگ ءُ گوں مردماں زوراکی کنگ ءَ اِنت۔
چہ پوج ءِ زوراکیاں بازیں کچے ءَ مردماں لڈ ءُ بار کرتگ۔
