بلوچ یکجھتی کمیٹی ءِ نیمگ ءَ زیشان زھیر ءِ کوش ءِ بگیری ءَ زی تربت ءُ ھاران ءَ زهرشانی کنگ بیتگ۔ زھرشانیاں جنین ءُ زھگاں ھوار مردماں بازیں کچے ءَ بھر زرتگ ءُ آیاں ریاستی ناشرکاری ءُ کشنده ٹولی ءِ بگیری ءَ اوگام جتگ۔
آیاں تران کرتگ ءُ گوشتگ که ھمک روچ زیشان زھیر ءِ پیمیں ورنا درکانودی بیگواه کنگ ءُ کشگ بنت ، اے وڑیں ویل گیش بوگ ءَ اَنت. گوستگیں روچاں چه مکران ءَ بگر داں ھزدار ، مستونگ ، ھاران ءُ آواران ءَ ھوار بلوچستان ءِ بازیں ھند ءُ دمگاں پاکستانی پوج ءُ ریاستی کارمند مردماں چه گس ءَ آوار جنگ ءُآیانی لاش ءَ چگل دیگ اَنت. اے کار مشکے ءَ ھمک روچی دودے جوڑ بیتگ که مردم پوجی ءِ بنجل ءَ لوٹائینگ یا که چه گس ءَ آوار جنگ بنت ءُ رند ءَ آیانی لاش چگل دیگ بیت.
بی وائی سی ءِ سروکاں تران کرتگ ءُ گوشتگ که بلوچستان ءِ سرکار پاکستان ءِ ریاست ءِ پرمان ءَ بی وائی سی ءِ بگیری ءَ کاروائی کنگ اِنت که دانکه بلوچستان ءَ ریاستی زوراکی گیش کنگ ءُ آیانی بگیری ءَ توار چست کنوکیں مردم مه بیت ، بلے بلوچ راج ءُ بی وائی سی چه وتی گھگیری ءَ پشت ءَ نه کنز اَنت۔
