بلوچ وومن پورم ءِ سروک ڈاکٹر شلی بلوچ ءَ وتی درشانے ءَ گوشتگ کہ 22 نومبر ءَ نسرین بلوچ درکانودی آوار جنگ بوتگ ءُ ریاست ءِ کِر ءَ بندیگ اِنت۔ آئی کھول ھمک در ءِ ٹکگ ءَ پد نوں شال ءَ وی بی ایم پی ءِ گدان ءَ سر بوتگ۔ بلے انگت ءَ نسرین بلوچ ھچ وڑیں ھال نیست۔ یک ماھے ءِ گوزگ ءَ ابید نسرین بلوچ چیریں آزارجاھے ءَ بندیگ اِنت ءُ آمیدگس ءَ ھم پیش کنگ نہ بوتگ۔
آئی ءَ گوشتگ کہ اے وڑیں درکانودی آوار جنی ھمے چیز ءَ پیش دار ایت کہ ریاستی ادارہ بلوچستان ءِ جاوراں پہ زانت ھراب کنگ ءَ اَنت۔ نوں زالبولانی زوریں بیگواھی ریاستی میارباریاں گیشتر پاشک کنگ ءَ اِنت۔
ڈاکٹر شلی بلوچ ءَ گوشتگ کہ من اے وڑیں گامگیجاں ایر جن آن ءُ نسرین بلوچ ءَ ھوار پہ درسیں بیگواھیں مرد ءُ زالبولانی زوتیں آجوئی ءِ لوٹ ءَ کن آں۔
