کیچ ءِ ھند تجابان ءَ زور بیگواھیں مردمانی کھولانی نیمگ ءَ برجاھیں زھرشانی چہ انتزامیہ ءِ نیمگ ءَ گپ ءُ تران ءَ پد ھلاس کنگ بوتگ۔
اے زھرشانی چہ ھانی بلوچ، ھیر النسا بلوچ، مجاھد بلوچ ءُ پرید بلوچ ءِ زوریں بیگواھی ءِ بگیری ءَ آیانی کھول ءِ نیمگ ءَ برجاہ بوتگ اَت کہ زی زھرشانی ءَ پنچ روچ سرجم بوتگ۔
اے بابت ءَ زھرشانی کنوکیں مردمانی گوشگ اِنت کہ اگاں مئے مرددم آجو کنگ نہ بوت اَنت ءُ انتزامیہ ءِ گپ دروگ بوت اَنت ما پد ءَ ھم زھرشانی کن ایں۔
اے زور بیگواھیں مردمانی کھولاں چہ ایشی ءَ پیش ھم زھرشانی ءَ سی پیک دگ بند کرتگ اَت، اے آیانی دومی رند اِنت کہ زھرشانی کنگ ءَ بوتگ اَنت۔
