کتر ءِ بنجاھی شھردوہ ءَ چہ اسرائیل ءِ ارشانی آسر ءَ ھماس ءِ سروک بیران بیتگ۔
جھانی رسانکدر ءِ رد ءَ اسرائیل ءَ زی کتر ءِ بنجاھی شھر دوھا ءَ ھما جاہ ءَ ارش کرتگ کہ ھماس ءِ کارگس ءُ سروک بیتگ نندوک بیتگ اَنت۔ ارش ءِ آسر ءَ ھماس ءِ سروک ھلیل الھیا بیران بیتگ۔ آئی ءِ بابت ءَ گوشگ بیت کہ گزہ ءَ پہ گپ ءُ تران کنوکیں ٹولی ءِ سروکی ءَ کنگ ءَ بیتگ۔
ھماس ءِ رد ءَ اسرائیل ءَ ھما دیوان ءِ سر ءَ ارش کرتگ کہ اود ءَ مزیں سروک ساڑی بیتگ اَنت کہ آ پہ گزہ ءِ جنگ بندی ءَ امریکہ ءِ داتگیں تجویز ءِ سر ءَ گپ ءَ بیتگ اَنت۔ اے ارش ءَ الھلیل الھیا ءِ زھگ ءَ ھوار شش مردم بیران بیتگ اَنت۔
ھماس ءِ گوشگ اِنت کہ اسرائیل ءِ اے ارش بے سوب بیتگ ءُ مئے درسیں سروک سلامت اَنت۔
کتر ءِ سر ءَ اسرائیل ءِ اُرش جتا جتائیں ڈیھاں ایر جتگ۔
