بلوچ نیشنل موومنٹ ( بی این ایم ) ءُ یو این پی او ( Unrepresented Nations and Peoples Organization ) ءِ میان ءَ یک آن لائن دیوانے بیتگ کہ آیاں بلوچستان ءِ بابت ءَ کمک ءِ گیش مھکم کنگ ءِ سر ءَ تپاک کرتگ۔
بی این ایم ءِ ٹولی ءِ سروکی چیئرمین ڈاکٹر نسیم بلوچ ءَ کرتگ کہ گوں آئی ءَ بنجاھی دری کارانی کار گشاد پھیم بلوچءُ پارن ڈپارٹمنٹ ءِ کوآرڈینیٹر نیاز زھری ھم ھوار بیتگ۔ اے دیوان ءَ بلوچستان ءِ انوگیں جاور، انسانی ھکانی بگیری ءُ میان استمانی تک ءَ بلوچانی توار ءِ گیشتر گوں ترندی ءَ سرکنگ ءِ گپ بیتگ۔
بی این ایم ءَ یو این پی او ءَ سدکی داتگ کہ بلوچستان ءَ انسانی ھکانی بگیریانی کاگد ءُ پٹ ءُ پول کرتگیں منانکاں سر کنت دانکہ جھان بلوچستان ءِ راستیں جاوراں سرپد بہ بیت۔ آیاں اے گپ ءِ سر ءَ سرپدی داتگ کہ بلوچ مھلوک ءَ پہ آجوئی ءُ انسانی ھکانی جھد ءَ بازیں کچے ءَ دیمونی داتگ۔
یو این پی او ءِ جھگیراں من اتگ کہ بلوچستان ءِ بابت ءَ چہ ھمے راھبنداں کسانیں سرپدی یے رستگ، بلے آیوکیں وھداں پہ ایشی دیم ءَ آرگ ءَ گوں بی این ایم ءَ شریں وڑے ءَ کمک کن ایں۔
آیاں اے ھم گوشتگ کہ بلوچستان ءَ ریاستی زوراکی ءُ ناھکیاں میان استمان ءَ دیم ءَ کار ایں۔
