دوستا جان یک مھروان،مڑاھدار ءُ سرجمیں جُھدکارے اَت۔ دل مراد بلوچ

بلوچ نیشنل موومنٹ ءِ کارگشاد دل مراد ءَ گْوشتگ کہ پاری ھژدہ جنوری ءِ روچ ءَ بلوچ راج ءَ گْوستانک ءِ دگہ یک دردناکیں درے دیست،وھدے پاکستان ءَ روکپتی بلوچستان ءَ بی این ایم ءِ دمگی سروک، دوست جان پنام چیئرمین دوستا، گوں سرجمیں کھول ءَ شھید کُرت۔ پاکستان ءَ شپ ءِ تھاری ءَ باھوٹی ءِ زندگی گْوازینگ ءَ لاچار بیتگیں دوست جان ءِ کودکیں زھگ بابردوست، ھانی دوست،آئی ءِ لوگ بانُک شازیہ ءُ شھید یونس ءِ کھول مات نجمہ، کودکی مَھزیب،ماھکان ءُ پرھاد وپتگیں واب ءَ میزائل اُرشے ءَ شھید کُرت اَنت۔اے اُرش راجی آجوئی جُھد ءِ بگیری ءَ ریاست ءِ ناشرکاری ءِ بدتریں درورے، کہ ایشی ءَ ھرچ نزوریں دل ءَ جکسینت۔ 

آئی ءَ گْوشتگ کہ دوست جان ایوک ءَ یک سیاسی سروکے نہ اَت بلکیں مھر،بھادری ءُ دیمونی ءِ چیدگ اَت۔چہ مھر ءُ مھروانی ءِ سْوب ءَ ھرکس ءَ دوست اَت۔ آ گوں وتی دوست ءُ ھمبلانی گوناں چو بندیکے ءَ مان کش اِتگیں سروکے اَت،آئی ءَ وتی زاتی زندگی مدام پہ راجی جُھد ءَ دیمونی کُرت۔آئی ءِ ھرچ گپ،کار ءُ دیمونی پہ راج ءِ آجوئی ءَ اَت۔ دوست جان ءِ زندگی اے گپ ءِ شاھدی ءَ دنت کہ آ ایوک ءَ یک سروکے نہ بلکیں یک بےدروریں مردمے اَت، کہ گوں وتی کھول ءَ ھوار پہ راج ءَ دیمونی دیگ ءَ چَک ءُ پد نہ بوت۔ 

دل مراد ءَ گْوشتگ کہ چہ دژمن ءِ میزائل اُرشاں دوست جان ءِ کھول ھلاس نہ کُرت بلکیں بلوچ راج ءِ دلبند ٹپیگ کُرت۔اے پاکستان ءِ زوراکیانی ھما سلیں دْروشُم اِنت کہ  ایشی ءِ مول ءُ مُراد ھمیش اِنت کہ پہ آجوئی ءَ چِست بیتگیں تواراں بے توار بہ کنت بلے دژمن نہ زانت کہ چہ شھیدانی ھوناں مدام جُھد گیش مھکم ءُ تیر تِر کنت۔ دوست جان ءُ آئی ءِ کھول ءِ شھید کنگ بلوچ راجی مھکم ءُ توانمندی ءِ ھلاس کنگ ءِ جُھدے اَت بلے آیانی ھوناں جُھد ءِ چِراگ گیش رُژنا کُرت۔ 

آئی ءَ گْوشتگ کہ مرچی آئی ءِ شھیدی ءِ اولی سالروچ ءَ ما اے کول کن ایں کہ دوست جان ءُ کودکیں زھگانی ھون گار نہ بنت۔ایشانی دیمونی مئے جُھد ءِ ھما پدانک اِنت کہ چہ ایشی ءَ آجوئی ءِ واھگ ءِ ماڑی مِک اِنت۔ بلوچ راج ھچبر وتی شھیدانی دیمونیاں بیھال نہ کنت۔

دل مراد ءَ گْوشتگ کہ دوست جان،تئی مھروانیں بچکندگ،تئی دیمونی ءُ گیر مدام مئے دلانی تہ ءَ زندگ بیت۔تو مارا دربرائینتگ کہ جُھد مھر ءُ دیمونی ءِ دومی نام اِنت۔تئی ءُ تئی زھگانی شھیدی پہ مئے جُھد ءَ یک مدامی ئیں جُھدے کہ مارا اے باور ءَ دنت کہ ھک ءِ راہ ءَ دیمونی سوبمندی ءِ مانزمان اِنت۔

شونکار

شونکار

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

ھرنائی ءَ پاکستانی لشکرءَ مردمے آوار جتگ

اتوار جنوری 19 , 2025
ھرنائی : زورگریں پاکستا نی لشکر ءَ اتا اللہ مری نامیں مردمے آوار جنگ ءَ پد بیگواہ کرتگ۔ بنشون ءِ رد ءَ زور بیگواھیں اتا اللہ مری میان کورپھوڑ ءِ جاہ منند اِنت ءُ مالدارے۔   دو ماہ پیش پاکستانی لشکر ءَ آوار جتگ ءُ بیگواہ کرتگ کہ انگت ءَ بیگواہ […]

دلگوش گْوری

زْرمبش بلوچی

زْرمبش راھے پہ آجوئی

زْرمبش بلوچی ، چہ زْرمبش شکسار ءِ نیمگ ءَ بلوچی زبان ءَ گزارش ءُ ھال شنگ کنت۔ اے ھال ، نبشتانک توار بند ءُ تامرانی دْروشم ءَ شنگ کنگ بہ اَنت۔

آسان دزرس