بلوچ لبریشن آرمی ( بی ایل اے ) ءِ جارکش ءِ جئھند بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں کیچ ءِ ھند زامران ءَ پاکستانی پوج گوں چیر کرتگیں شورھاں نشانگ کرتگ ءُ تاوان داتگ ، ھمے وڑ ءَ سرمچاراں کولواہ ءُ بولان ءَ ھم زورگریں پوج ءُ آئی ءُ چاریگی کیمرہ نشانگ کرتگ اَنت۔
آئی ءَ گوشتگ کہ بی ایل اے ءِ سرمچاراں گوستگیں روچ ءَ کیچ ءِ ھند زامران ، نوانو ءَ پوج ءِ گاڑی یے ھما وھد ءَ گوں چیر کرتگیں شورھاں نشانگ کرتگ کہ زورگریں پوج پہ زوراکی ءَ ھمے دمگ ءَ لشکرکشی کنگ ءِ جھد ءَ بیتگ۔
جارکش ءَ گوشتگ کہ تراک ءِ آسر ءَ پاکستانی پوج ءِ نائب سوبیدار پاروک ، لانس نائک کریم داد ، انس نائک ھدایت ، سپاھی اویس ءُ سپاھی الی ءَ ھوار ھپت کارمند جاھی مرتگ ءُ دگہ چار کارمند سک ٹپی بیتگ ، ھمے دژمن ءِ گاڑی سرجم ءَ تباہ بیتگ۔
آئی ءَ گوشتگ کہ بی ایل اے ءِ سرمچاراں مرچی کولواہ ءِ ھند مادگ کلات ءَ زورگریں پاکستانی پوج ءِ چوکی ءِ سر ءَ اُرش کرتگ ، سرمچارں گوں راکٹ آدگہ ٹوھیں سلاھاں پوج ءِ سنگر نشانگ کرتگ اَنت ءُ جانی ءُ مالی تاون داتگ۔
جارکش ءَ گوشتگ کہ بی ایل اے ءِ سرمچاراں بولان ءِ ھند شورکنڈ ءَ پاکستانی پوج ءِ جتگیں چاریگی کیمرہ نشانگ کرتگ ءُ تباہ کرتگ اَنت۔
جیھند بلوچ ءَ درشان ءِ گڈی ءَ اے درسیں اُرشانی زمہ واری من اِتگ۔
