کابل: اوگانستان ءِ اُستان کوستءُ ننگرھار ءِ جتائیں جاھاں دوشی پاکستان ءِ نیمگ ءَ ڈرون ارش کنگ بیتگ۔ ارشانی آسر ءَجنین ءُ زھگ بیران بیتگ اَنت۔
بنشون ءِ رد ءَ کوست ءِ دمگ سپیرا، سرھاک ءَ یک گسے گوں ڈرون ارش ءَ نشانگ کنگ بیتگ کہ ایشی آسرءَ سے زھگ بیران بیتگ۔
ھمے وڑ ءَ ننگرھار ءِ دمگ گنی کیل ءِ جتائیں ھنداں ڈرون ارش کنگ بیتگ کہ اود ءَ ھم ارشانی آسر ءَ جانی تاوان ءِ ھال اِنت بلے بیران ءُ ٹپی بیتگیں مردمانی کچ زانگ نہ بیتگ۔
اے بابت ءَ چہ اوگان سرکار ءِ نیمگ ءَ ھچ وڑیں درشان شنگ نہ بیتگ۔
