اوگانستان ءِ پوج ءَ سیمسر ءَ بازیں ھنداں پاکستانی پوج ءِ چوکیانی سر ءَ اُرش کرتگ ءُ چوکی دستیگ کرتگ اَنت ءُ بازیں کچے ءَ پاکستانی پوج ءِ جانی تاوان ءِ ھال اِنت۔
ھالانی رد ءَ اوگان پوج ءَ ھلمند ءَ برابچہ ءِ ھند شکیل، ربات، چھوٹو، بی بی جانی ءُ سالیان ءَ پاکستانی پوج ءِ چوکیانی سر ءَ اُرش کرتگ ءُ پاکستانی پوج ءِ دستیگ کرتگ اَنت ءُ بازیں کچے ءَ پاکستانی پوج ءِ جانی تاوان ءِ ھال اِنت۔
ھمے وڑ ءَ ننگرھار ءِ دمگ دربابا ءُ کنڑ ءَ ھم پاکستانی پوج ءِ چوکیانی دستیگ کنگ ءُ بمبگواری ءِ ھال اِنت۔
بنشون ءِ رد ءَ کندھار ءُ پکتیا ءَ ھم اوگان پوج ءَ پاکستانی پوج ءِ چوکیانی سر ءَ گوں ٹوھیں سلاھاں اُرش کرتگ کہ چوکی دستیگ کرتگ اَنت۔ اود ءَ پاکستانی پوج ءِ کم چہ کم چاردہ کارمند مرتگ ءُ ٹپی بوتگ۔
انچوش گوشگ بوگ ءَ اِنت کہ پاکستانی پوج ءَ بازیں جاھاں وتی چوکی یل داتگ ءُ جستگ اَنت۔
