کراچی: زوربیگواھیں مردمانی کھولانی زھرشانی گدان ءَ کراچی پریس کلب ءِ دیم ءَ مرچی 23 روچ سرجم بیتگ کہ انگت برجاہ اِنت.
برجاھیں زھرشانی گدان ءَ زوربیگواھیں مردمانی کھولاں سرکار ءِ بگیری ءَ اوگام جتگ ءُ گوشتگ که دانکه مئے زھگ آجو کنگ نه بنت مئے زھرشانی برجاه بیت ، اگاں مئے زھگانی سر ءَ چونیں بھتامے ھست گڑا آمیدگس ءَ پیش کنگ به بنت ءُ کانود ءِ رد ءَ آیانی کیس ءِ سر ءَ کار کنگ به بیت۔
ھمے میان ءَ زوربیگواھیں ورنا زاھد بلوچ ءِ پت ھمید بلوچ ، زوربیگواھیں سرپراز بلوچ ءِ مات بی بی گلشن بلوچ ءُ زوربیگواھیں شیراز ءُ سیلان بلوچ ءِ مات سبزی ءَ وتی زھگانی زوریبگواھی ءِ بگیری ءَ تران کرتگ ءُ زھگانی زوت آجو کنگ ءِ لوٹ کرتگ۔
چوش کہ اے زھرشانی ءَ بیست روچ ءَ گیش اِنت کہ برجاہ اِنت انگت ءَ چہ سرکار ءِ نیمگ ءَ پہ آیانی لوٹاں ھچ وڑیں گامگیج زورگ نہ بیتگ۔
اے زھرشانی نندانک ءَ نشتگیں مردمانی آزیز جتا جتائیں وھداں ریاستی ادارھاں آوار جتگ ءُ بیگواہ کرتگ اَنت۔
