زیارت: چہ زیزری ءَ پجار نہ بوتگیں سلاہ بندیں مردماں اسسٹنٹ کمشنر ءُ آئی زھگ آوار جتگ اَنت۔
اھوالکار ءِ رد ءَ آوار جنگ بوتگیں اسسٹنٹ کمشنر ءِ نام مھمد اپزل اِنت کہ سلاہ بندیں مردماں آئی ءِ گاڑی مانداشتگ ءُ آئی ڈرائیور، پھازدار یل کرتگ اَنت ءُ اپزل ءُ آئی زھگ آوار جتگ ءُ برتگ اَنت۔
چوش کہ ایشی ءَ پیش تمپ ءِ اسسٹنٹ کمشنر مھمد ھنیپ نوروزھی چہ کیچ ءَ دیم پہ شال ءَ روگ ءَ بوتگ اَت کہ سلاہ بندیں مردماں آوار جتگ اَت۔ آئی آوار جنگ ءِ زمہ واری بی ایل ایپ ءَ من اِتگ۔ بلے ایشی آوار جنی ءِ زمہ واری انگت ھچ گل ءَ نہ زرتگ۔
