بلوچ وومن پورم ءَ وتی شنگ کرتگیں درشانے ءَ گوشتگ کہ استانی زوراکی، بلوچ سیاسی ادارھانی سر ءَ برجاہ اِنت ءُ بلوچ چُکچینی ءِ تہ ءَ ترندی آرگ بوتگ ، ھر روچیگیں بنیاد ءَ بلوچ ورنا گار ءُ بیگواہ کنگ ءُ جنگ ءُ کُشگ بوگ ءَ اَنت، ھمے رد ءَ بلوچ وومن پورم ءِ نیمگ ءَ” یک روچی کانپرنسے ” ماں گوادر ءَ برجم دارگ بوگ ءَ اِنت ۔
آئی ءَ گوشتگ کہ مرچی گوادر ءِ جتا جتائیں ھند ءُ دمگاں گَبد، کُلدان، کلاتو ، پلیری ءُ پیشُکاں ءَ پنتاک دیگ بیتگ ، دیوال نبیسی کنگ بیتگ ءُ بلوچ لس مھلوک زمین ءِ انوگیں جیڑھانی سر ءَ سرپدی دیگ بیتگ۔
آئی ءَ گوشتگ کہ ما گوں بلوچ لس مھلوک ءُ ھاس گوادر ءِ مھلوک ءَ گوں دزبندی کن ایں کہ مئے ھمراہ داری ءَ بہ کن اَنت ءُ ھما سرانی توار جوڑ بہ بنت کہ زی بلوچ مھلوک ءِ توار جوڑ بیتگ اَنت۔
آئی ءَ گوشتگ کہ مئے یکجاھی ،یکمشتی وھد ءِ انوگیں لوٹ اِنت کہ مارا چہ اے زوراکی ءَ رکینت کنت۔
