ھزدار ءِ ھند گریشگ ءَ مرچی دو روچ اِنت کہ پاکستانی پوج ءِ لشکرکشی ءُ زوراکی برجاہ اِنت۔
زرمبش جھگیر ءِ رد ءَ پاکستانی پوج ءِ دست ءَ دگہ سے بیگواھیں مردم پچارگ بیتگ اَنت کہ آیانی نام ارپان بلوچ ء ھیر ھان، زھور بلوچ ء ابدالھمید ءُ ھیرجان ء ایدو اِنت کہ زی پاکستانی پوج ءَ چہ بدرنگ ءَ آوار جتگ ءُ بیگواہ کرتگ اَنت۔
ارپان ءُ زھور گریشگ ءِ میتگ گونی ءِ جاہ منند اَنت ءُ ھیرجان پتکنری ءِ جاہ منند اِنت۔
ھندی بنشون ءِ رد ءَ پاکستانی پوج پد ءَ گریشگ ءِ جتائیں جاھاں راہ بندگ ءُ لشکرکشی کنگ ءَ اِنت۔
چہ پوج ءِ نیمگ ءَ لشکرکشی ءِ ھواری لس آبادیانی سر ءَ وتسر ءَ تیرگواری کنگ ءَ اِنت۔
انچوش گوش بوگ ءَ اِنت پاکستانی پوج ءَ زی ءُ مرچی چہ گریشگ ءَ باز مردم آوار جتگ ءُ بیگواہ کرتگ۔
اے بابت ءَ مئے گیشیں جست ءُ پرس برجاہ اِنت۔
گریشگ ءِ میتگ بدرنگ ءَ چہ پاکستانی پوج ءِ دست ءَ بیگواہ کرتگیں مردماں یازدہ مردم پجارگ بوتگ۔
