چہ اسلام آباد ءَ پولیس ءَ باز بلوچ نودربر دزگیر کرتگ ءُ زندان ءَ بندیگ کرتگ اَنت۔
بنشون ءِ رد ءَ چہ درزنےءَ گیش بلوچ نودربر دزگیر کنگ بیتگ اَنت کہ آیاں بلوچستان لبریشن آرمی ( بی ایل اے ) ءِ بابتءَ جست ءُ پرس کنگ ءَ اَنت۔
چاگردی رسانکدر ءِ رد ءَ تانہ ءَ ڈن بند آرگ جنگ بیتگ ، اود ءَ شھری ءُ اھوالکاراں ھم روگ ءَ نیلگ ءَ اَنت، بلکیں پولیس ھم مردماں دارگ ءُ زوراکی کنگ ءَ اِنت۔
اے بابت ءَ انسانی ھکان نامداریں کارکن ءُ وکیل ایمان زینب مزاری ھم پولیس تانہ ءَ شتگ ءُ آئی گوشگ اِنت ما گوں ڈی سی ءَ داں یک ادارے ءَ گپ ءُ تران کرتگ ءُ پولیس تانہ ءَ آتکگ ایں اد ءَ پولیس تانہ ءِ دروازگ بند کنگ بیتگ اَنتءُ مارا وکیلاں تانہ ءَ روگ ءَنیلگ ءَ اَنت۔
آئی گوشتگ کہ ما یکشل ءَ آیان ءَ گوشگ ءَ ایں ما چہ ڈی سی ءِ نیمگءَ دیم دیگ بیتگ ایں گوں پولیس ءَ گپ ءُ ترا ن کن ایں بلے وکیلاں تہ ءَ روگ ءَ نیلگ ءَ اَنت بلوچ نادربراں شش ادار ءَ گیش اِنت کہ درکانودی بندیگ اَنت۔
