اسلام آباد: په زوربیگواھیں مردم ءُ بی وائی سی ءِ سروکانی آجوئی ءَ چه کھولانی نیمگ ءَ برجاھیں زھرشانی ءَ جماھت اسلامی پاکستان ءِ سروک ءُ پیشیگیں سینیٹر مشتاک اھمد ھان ءَ پریس کلب ءِ دیم ءَ پولیس کارمندانی تر ءُ گرد کنگ ءُ زوربیگواھیں مردمانی کھولانی زھرشانی ءِ دارگ گوں ترندیں دانکاں ایر جتگ۔
آئی ءَ گوشتگ که چه اسلام آباد پولیس ءِ نیمگ ءَ پریس کلب ءِ دیم ءَ لھتیں بے میاریں بلوچ زھگانی دزگیر کنگ ءِ جھد ھمے گپ ءَ پدر کنت که ریاست ءَ چه نزرویں تواراں ناں بلکیں چه وتی پالیسی ءُ زوربیگواھیانی پیمیں ریاستی زوراکیانی پدر بوگ ءَ ترس اِنت۔
مشتاک اھمد ھان ءَ گوشتگ که من چہ بازیں جنجالاں پد پریس کلب ءِِ دیم ءَ پہ نزوریں بلوچانی ھمدردی ءَ سر بیتگ آں۔ چی ءَ سرجمیں ھند ءَ بند آرگ جنگ بیتےگ۔
آئی ءَ گڈی ءَ لوٹ کرتگ که اے زوراکی ءُ زوریں بیگواھی بند کنگ ءُ درسیں زوربیگواھیں مردم یل کنگ به بنت ءُ بلوچستان ءِ توار گوش دارگ بہ بیت۔
