بلوچ لبریشن آرمی (بی ایل اے) ءِ جارکش جیھند بلوچ ءَ ماں رسانکدر ءَ وتی شنگ کرتگیں درشانے ءَ نوشکے کاروائی ءِ زمہ واری من اِتگ ءُ گوشتگ کہ بی ایل اے ءِ سرمچاراں مزنیں شھدگ داں چار اداراں بستگ ءُ زورگریں پاکستانی پوج ءِ کاروان نشانگ کرتگ۔ چہ ایشی آسر ءَ دژمن ءِ ھشت کارمند مرتگ ءُ چار ٹپی بوتگ۔
آئی گوشتگ کہ سرمچاراں شال تپتان ءِ مزنیں شھدگ کیشنگی ءِ ھند شیر ھان آگا ءَ سنگر گپتگ ءُ داں چار اداراں بستگ. ھمے میان ءَ سرمچاراں گاڑی پٹ ءُ پول کرتگ انت۔
جارکش ءَ گوشتگ کہ ھمے ھند ءِ نیمگ ءَ روگ ءِ جھد کنوکیں زورگریں پاکستانی پوج ءِ کاروان ءِ سر ءَ سرمچاراں سنگر گپتگ ءُ نشانگ کرتگ۔ سرمچاراں دژمنیں پوج ءِ سر ءَ راکٹ ءُ آدگہ ٹوھیں سلاھانی گوما اُرش کرتگ۔ کاروان ءِ سَے گاڑی اُرش ءِ زد ءَ آتکگ۔ چہ ایشی آسر ءَ پوج ءِ ھشت کارمند جاھی مرتگ ءُ کم چہ کم چار کارمند ٹپی بوتگ۔ اُرش ءَ سَے ئیں گاڑی تباہ بوتگ اَنت۔
