بیگواھیں بلوچانی توار ( وی بی ایم پی ) ءِ کارگشاد ءُ ڈاکٹر دین مھمد ءِ جنک سمی دین ءَ ماں چاگردی رسانکدر ایکس ءَ چمن زھرشانی ءِ پلہ ءَ مرزی ءَ نبشتگ کہ چمن ءَ گوستگیں ھشتاد ءُ شش روچ اِنت پشتونانی نندانک برجاہ اِنت، بلے چہ اے زھرشانی ءِ رپورٹ کنگ ءَ ابید رسانکدر ءِ گیشتریں بھر پہ مئے ناشرکار پیش دارگ ءَ وتی زور ءَ جنگ ءَ اِنت۔
آئی ءَ گوشتگ کہ ما یک انچیں چاگردے ءَ ایں اد ءَ پہ وتی بنکی ھکانی گرگ ءَ مڑگ لوٹ ایت۔ ما گوں وتی پشتون براتاں اوشتاتگ این ءُ آیانی برجاھیں زھرشانی نندانک ءِ پلہ مرزی ءَ کن ایں۔ پمیشکا کہ سرکار بس گپ کن اَنت، مردمانی زرمبشتانی بگیری ءَ زور کارمرز کن انت گوش نہ دار اَنت۔
