کیچ: بلوچستان آجوئی سنگر ( بی ایل ایپ ) ءُ براس ءِ نیمگ ءَ دیوال نبیسگ بوتگ اَنت۔
اھوالکار ءِ رد ءَ دوشی بلیدہ الندور ءَ جتائیں دیوالانی سر ءَ پاکستان ءِ وتگڑیں گچینکاری ءِ بگیری ءَ دیوال نبیسگ بوتگ اَنت۔ دیوالانی سر ءَ نبشتگ۔ پاکستان ءِ گچینکاریاں بھر مہ زور اِت، راجی شھیدانی دیمونیاں گیر بیار اِت، شھیدانی دیمونی راجی آجوئی ءِ مانزمان اَنت، گچینکاری ءَ اوشتاتگیں مردم راج ءُ زمین ءِ بدواہ اَنت، درسیں پولنگ اسٹیشن مئے نشانگ ءَ اَنت، راج وت ءَ چہ گچینکاریاں گستا بدار ایت۔
یات بہ بہ اِت کہ پرندوشی ھم بلیدہ ءِ چب ءُ سلو ءَ بی ایل ایپ ءِ نیمگ ءَ دیوال نبیسی کنگ بوتگ۔
ھمے وڑ ءَ پرندوشی بی ایل ایپ ءِ نیمگ ءَ ناسر آباد ءَ وانگجاہ ءُ نادراھجاہ ءَ گچینکاری ءِ بگیری ءَ دیوال نبیسگ بوتگ اَنت۔
