بلوچ نیشنل موومنٹ ( بی این ایم ) ءِ بنجاھی سرکماش ڈاکٹر نسیم بلوچ ءَ ماں چاگردی رسانکدر ایکس ءَ جرمن سپیر الپریڈ گراناسءِ پوسٹ ءِ پژدر ءَ نبشتگ کہ 23 رمس ءَ وھدے تو پہ پاکستان ءَ نیکیں واھشت درشان کن ئے گڑا ھژدری اِنت کہ یک شرپمندیں ڈیھے ءِ سپیر ءِ پارست ءَ پیسر بلوچستان ءِ ناگیگیں جاورانی بابت ءَ سرپد ببو ۔
آئی ءَ گوشتگ کہ پاکستان بیست ءُ یکمی کرن ءَ ناھکیں میارباری کنگ ءَ اِنت۔ بلوچستان ءِ زوریں دستیگی، آئی مڈیانی لٹ ءُ پل ءُ چہ درساں بژنیگیں گپ ایش اِنت کہ ھزارانی کچ ءَ بلوچ کہ آیانی تہ ءَ جنین ءُ زھگ ھوار اَنت زور بیگواہ کنگ بیتگ اَنت۔
ڈاکٹر نسیم بلوچ ءَ گوشتگ کہ اے وھد ءَ نامداریں کارکن انچوش ماہ رنگ بلوچ، بیبو بلوچ، بیبرگ بلوچ ، سئیدہ بلوچ ءُ دگہ باز مردم بیگواہ اَنت۔
بی این ایم ءِ سرکماش ءَ گوشتگ کہ ما چہ شما لوٹ کن ایں کہ اے تباھی ءَبہ من اِت ءُبلوچستان ءَ پاکستان ءِ ناھکیں انسانی ھکانی لگتمالیاں ایر بہ جن اِت ءُ گپ بہ کن اِت۔
