مستونگ: پاکستانی لشکر ءِ دست ءَ زور بیگواه کنگ بیتگیں چیئرمین زاھر بنگلزئی ، شیراز بنگلزئی ءُ سلمان بنگلزئی ءِ کھولاں آیانی زوریں بیگواھی ءِ بگیری ءَ مستونگ ءَ نواب ھوٹل ءِ نزیک ءَ راجی مچی چاراه ءَ زھرشانی کرتگ ءُ شال کراچی شھدگ بند کرتگ.
اھوالکار ءِ رد ءَ چه شھدگ ءِ بند بوگ ءِ سوب ءَ شال ، کراچی ءَ روکیں بازیں گاڑی اوشتاتگ اَنت. زھرشانی کنوکیں کھولانی گوشگ اِنت دانکه مئے مردم یل کنگ نه بنت مئے زھرشانی برجاه بیت.
چوش که زورگریں پاکستانی لشکر ءُ چیریں ادارھانی کارمنداں 20 مارچ ءِ شپ ءَ مستونگ ءَ گساں بیڑ برتگ ات ءُ چئیرمین زاھر، شیراز ءُ سلمان بنگلزئی آوار جنگ ءَ پد بیگواه کرتگ اَنت. پاکستانی لشکر ءَ گسانی بیڑ برگ ءِ میان ءَ جنین ءُ زھگ ھم لٹ ءُ کرتگ اَنت که چه ایشی ءَ لھتیں جنین ٹپی بیتگ۔
