کیچ:چہ مند، بلوچ آباد ءَ پاکستانی پوج ءِ دست ءَ آوار جنگ بوتگیں ورنایانی کھولاں زھرشانی روانکے ءِ کشگ ءِ جار جتگ۔
اھوالکار ءِ رد ءَ مند ءِ میتگ بلوچ آباد ءَ 23 اکتوبر ءِ شپ ءِ ادار سے ءَ پاکستانی پوج ءِ دست ءَ زوربیگواہ کنگ بوتگیں ھارون ء مھمد جان، ھمود ء مھمد جان، پھد ء اسمان ءِ بیگواھی ءِ بگیری ءَ آیانی کھول ءِ نیمگ ءَ باندا سھب ءِ ادار یازدہ ءَ چہ بلوچ آباد ءَ داں سورو بازار ءَ یک زھرشانی روانکے کشگ بوگ ءَ اِنت۔
آیانی کھول ءَ گوں مند ءِ مردماں ھوار درسیں بھرگاں سیادی داروکیں مردماں لوٹ کرتگ اے گرانیں ساھتاں مئے ھمراھداری ءَ بہ کن اِت ءُ پہ مئے مردمانی آجوئی ءَ توار چست بہ کن اِت۔
