بلوچستان لبریشن پرنٹ ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ ھشت مارچ ءِ سھب ءَ بولان ءِ ھند بارڈی ءَ لشکرکشی ءِ نیت ءَ کوہ ءَ پتروکیں پاکستانی لشکر ءِ سر ءَ بی ایل ایپ ءِ سرمچاراں سنگر گپتگ ءُ ارش کرتگ۔ ارش ءِ آسر ءَ پیرا ملیٹری ایپ سی ءِ نائب سوبیدار پلک ناز ءَ ھوار چار کارمند مرتگ ءُ سے ٹپی بیتگ۔
آئی ءَ گوشتگ کہ بلوچ گھگیری ءَدرہ بولان ءِ یک مزنیں کردے بیتگ ءُ مرچی ھم بولان بلوچ گھگیری ءِ یک جوانیں بنجاھے اود ءَ چہ گھگیری کرد ءَ درآتکگیں باسمائی ءِ رژنائی ءَ بلوچستان ءِ کنڈ کنڈ ءَ رژنا کنگ ءَ اِنت۔
جارکش ءَ گوشتگ کہ دژمن ءِ بگیری ءَ اے ارش ءَ بی ایل ایپ ءِ سرمچاران ءَ آجوئی لوٹوکیں سلاہ بندیں گل یونائیٹڈ بلوچ آرمی ( یو بی اے ) ءِ سرمچاراں شریں وڑے ءَ کمک گون بیتگ۔
آئی ءَ گوشتگ کہ بی ایل ایپ سرپد بیت کہ راجی آجوئی جنگ ءَ لس بلوچ ءُ پہ آجوئی لوٹوکیں پرکاریں گلانی میان ءَ ھم سنتی ءُ کمک زورگی اِنت۔
میجر گھرام ءَ ارش ءِ زمہ واری من اتگ ءُ گوشتگ کہ داں بلوچستان ءِ آجوئی ءَ زورگریں ریاستءِ سر ءَ ارشانی برجاہ دارگ ءِ کول ءَ کن ایں۔
