ھزادر ءِ ھند گریشگ ءَ پاکستانی پوج ءِ زوراکی برجاہ اِنت ءُ دگہ دو ورنا شاہ نواز بلوچ ء رھمت ءُ جاوید بلوچ ء جما ھاں آوار جنگ ءُ بیگواہ کنگ بوتگ۔
زرمبش جھگیر ءِ رد ءَ دوئیں ورنا گریشگ ءِ میتگ کنری ءِ جاہ منند اَنت کہ زی پاکستانی پوج ءَ چہ میتگ ءَ آوار جتگ ءُ بیگواہ کرتگ اَنت۔ پوج ءِ بیڑ برگ ءِ میان ءَ گس پٹ ءُ پول کرتگ اَنت ءُ گوں مردماں زوراکی کرتگ۔
ھندی بنشون ءِ رد ءَ پاکستانی پوج ءَ گوستگیں اے سے روچانی میان ءَ برجاھیں لشکرکشی ءُ زوراکیانی میان ءَ کم چہ کم سی ءَ گیش مردم آوار جتگ ءُ بیگواہ کرتگ۔
چوش کہ پیری چہ بدرنگ ءَ بیگواہ کنگ بوتگیں مردماں یازدہ مردم ءِ پجار سلیم بلوچ ء بلوچ ھان، زاھد بلوچ ء زھری ھان، بشیر اھمد ء زھری ھان، ابدالگنی ساجدی ء الاھی بکش، زمیر بلوچ ء واھد، آرپ ھمبل ء گاجیان، زھور بلوچ ء پتے مھمد،ارپان بلوچ ء ھیر ھان، زھور بلوچ ء ابدالھمید ءُ ھیرجان ء ایدو ءُ ابدلمالک ء اللہ بکش ءِ ناماں زانگ بوتگ اَت۔
