بلوچستان لبریشن پرنٹ ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچاراں15 پروری ءِ بیگاہ ءِ شش ءَ کیچ ءِ ھند مند ءَ دریا چم متسنگ ءُ سھریں کوہ ءِ میان ءَ برجاھیں پاکستانی لشکر ءِ چوکی ءِ سر ءَ گوں مزنیں سلاھاں ارش کرتگ۔ ایشی آسر ءَ 11 کارمند کشتگ ءُ سرمچاراں چوکی سرجم ءَ دستیگ کرتگ ءُ کارمندانی سلاہ ءُ سامان زرتگ اَنت۔
آئی ءَ گوشتگ کہ سرمچارانی دگہ یک ٹولی یے ءَ چوکی ءِ کارمندانی پہ کمک ءَ آیوکیں یازدہ گاڑیانی کاروان ءِ سر ءَ سنگر گپتگ ءُداں چل دمان ءَ ترندیں ارشے کرتگ، ایشی آسر ءَ دگہ شش لشکری کارمند مرتگ۔ سرمچاراں ارشانی میان ءَ دو سرویلنس کیمرہ ءُ یک ڈرون کیمرھے جتگ ءُ تباہ کرتگ۔
جارکش ءَ گوشتگ کہ اے ارش ءِ سرجمیں تامر بی ایل ایپ ءِ رسانکدری تندجاہ آشوب ءَ شنگ کنگ بیت۔
میجر گھرام ءَ ارشانی زمہ واری من اتگ ءُ گوشتگ کہ داں زورگریں لشکر ءِ سرجم ءَ درآھگ ءَ وتی ترندیں ارشانی برجاہ دارگ ءِ کول ءَ کن ایں۔
