بلوچستان لبریشن پرنٹ ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں 14 پروری ءِ بیگاہ ءِ پنچ ءَ پنجگور ءِ ھند پروم ءَ پولیس اسٹیشن ءُ نادرا کارگس ءِ سر ءَ ارش کرتگ۔ پٹ ءُ پول ءِ میان ءَچہ تانہ ءَ سلاہ، گولا ءُ تراکناکیں شورہ دست نہ کپتگ،گڑا سرمچاراں تانہ ءِ پرنیچر پروشتگ، نادرا کارگس ءِ لیپ ٹاپ ءُ کیمرہ زرتگ اَنت ءُکارگس مانداشتگ۔
آئی ءَ گوشتگ کہ پروم ءَ دگہ یک جاھے ءَ تر ءُ گرد ءِ میان ءَ سرمچاراں چہ لیویز کارمندے ءَ یک سی تیری یے پل اتگ، گڑا لیویز کارمند پہ بلوچ بوگ ءِ بنیاد ءَ کڈن کرتگ ءُ ھچ وڑیں تاوان نہ داتگ۔
جارکش ءَ گوشتگ کہ کلہ کور ءَ پاکستانی لشکر ءِ نیمگ ءَ جتگیں سرویلنس کیمرہ، نادراھجاہ ءِ دیم ءَ جتگیں سرویلنس کیمرہ ءُ کھدہ ھکیم بازار ءَ پاکستانی لشکر ءِ نیمگ ءَ جتگیں سرویلنس کیمرہ نشانگ کرتگ ءُ تباہ کرتگ اَنت۔
میجر گھرام ءَ ارشانی زمہ واری من اتگ ءُ گوشتگ کہ داں بلوچستان ءِ آجوئیءَ پاکستانی لشکر ءُآئی شوربندیاں نشانگ کن ایں۔
