کیچ: بلوچستان آجوئی سنگر ( بی ایل ایپ ) ءَ شیپچار ءَ پاکستانی لشکر ءِ سر ءَ بوتگیں بمب اُرش ءِ تامر شنگ کرتگ۔
بی ایل ایپ ءِ سرمچاراں یک جنوری ءَ شیپچار ءَ پاکستانی لشکر ءِ گاڑی ءِ سر ءَ بمب اُرش کرتگ اَت اُرش ءِ آسر ءَ پاکستانی لشکر ءِ ھپت کارمند مرتگ۔
مرچی بی ایل ایپ ءِ نیمگ ءَ شنگ بوتگیں تامر ءَ گندگ بیت کہ پاکستانی لشکر ءِ دو گاڑی روگ ءَ اَنت پشت ءِ گاڑی گوں چیریں کرتگیں شورھاں نشانگ کنگ ءُ تباہ بیت۔
تامر ءَ اے ھم ساپ گندگ بیت کہ تراک ءِ آسر ءَ چہ دنزاں پیش پاکستانی لشکر ءِ لھتیں کارمند برزا چگل گرگ ءَ اِنت۔
یات بہ بہ اِت کہ اے اُرش ءِ زمہ واری بلوچستان آجوئی سنگر ( بی ایل ایپ ) ءِ جارکش میجر گھرام ءَ منّ اتگ ءُ گوشتگ کہ یک جنوری ءِ سھب ءِ ھشت ءَ کیچ ءِ ھند اپسی کھن، شیپچار ءَ سرمچاراں زورگریں لشکر ءِ دو گاڑیانی کاروان گوں چیریں کرتگیں شورھاں نشانگ کرتگ۔ اُرش ءِ زد ءَ یک گاڑی یے سرجم ءَ تباہ بوتگ۔ گاڑی ءِ تباہ بوگ ءِ سوب ءَ دُژمنیں لشکر ءِ ھپت کارمند جاھی مرتگ۔
